Ауыр дәрежелі преэклампсия - акушерлік саладағы өзекті мәселе

АННОТАЦИЯ

Қазіргі таңда ауыр дәрежелі преэклампсия ана мен бала өлімінің негізгі себепкері ретінде алдыңғы орынға шығып отыр. ДДСҰ-ның мәліметі бойынша аздаған жылдың ішінде преэклампсияның кездесу жиілігі 1,3%-дан 6,7%- ға жиілеп қоғам назарын өзіне аудартуда. Сол себепті ауыр дәрежелі

преэклампсияның негізгі себептері, осы диагнозбен қатарласа жүретін негізгі аурулар мен олардың жалпы асқынулары, жыл санап қандай жағдайлар ауыр дәрежелі преэклампсияның дамуына әкелетінін білу практикалық жағынан өте маңызды болып табылады. Дер кезінде ауыр дәрежелі преэклампсияға ем көрсетілмеген жағдайда эклампсия мен HELP синдромының дамып асқынуына, ол өз кезегінде жүкті ана организмінің жалпы және жергілікті асқынуын шақырып ана өліміне және плацентаның жатыр қабырғасынан ерте сылынып түсіп бала өліміне,сондай-ақ келесі жүктіліктің сәтсіз өтуі мен перинатальдық патологияның дамуына соқтыртады.

Кілт сөздер: преэклампсия, HELP синдромы, пиелонефрит, анемия.

Зерттеудің мақсаты: қандай негізгі себепкер ықпалдар ауыр дәрежелі преэклампсияның жылдан жылға өсіп дамуына әкелетіндігін оқу және ретроспективтік анализ жасау.

Зерттеу тәсілдері мен мәліметтер: жалпы зерттеу Алматы облысы, Қарасай аудандық облыстық ауруханасының перзентхана бөлімшесінде соңғы үш жыл ішінде (2013, 2014, 2015жылдар) тіркелген жүкті әйелдердің сырқатнамасына ретроспективтік анализ жасау.

Алынған мәліметтер: 3 жылдың қорытындысы бойынша: Қарасай аудандық Орталық ауруханасының перзентхана бөлімшесіне ауыр дәрежелі преэклампсиямен түскен жүкті әйелдер саны барлық босанушы әйелдердің 4,8% қамтып отыр;Оның ішінде анемиямен 37% науқас тіркелген, 41% науқас ұрық дамуының кідіруімен босанды; Барлық босанушы әйелдердің 34%- да сәбиі өлі туылған; Науқастардың 50% -да босану уақыты қалыпты, бірақ дамуы тежелген сәбилер дүниеге келген; Ауыр дәрежелі преэклампсиямен қайталамалы жүкті болған әйелдер алғашқы жүкті әйелдермен салыстырғанда 60% жағдайда жиі шалдығады; Жалпы науқастардың ішінде 52% кесарь тілігінің көмегімен босанған.

Қорытынды: Соңғы 3 жылдың қорытындысы бойынша бір ғана Қарасай аудандық Орталық ауруханасының перзентхана бөлімшесінде ауыр дәрежелі преэклампсия 2,3%-дан 7,4%- ға артып ана мен бала өлімінің негізгі себепкері болып тіркелген. Осы аурумен қатарласа жүретін негізгі аурулар қатарына ана денсаулығы жағынан анемия мен пиелонефрит, сәби денсаулығы жағынан ұрықтың өсуінің кешеуілдеуі болатындығы анықталды.

Жыл: 2015
Қала: Шымкент
Категория: Медицина