Бүгінде еліміздің егемендігінің тұрақтылығына дәлел болатын іс шаралар көптеп жүргізілуде. Қандай қоғамда болмасын тәуелсіздіктің биігін көрсететін дәстүрлі рухани байлығымыздың тұғыры мемлекеттік тілдің мәртебесі деп айта аламыз. Президентіміз Н.Ә. Назарбаевтың халыққа жолдаған Жолдауларында тіл мәселесі әрқашан алға қойылған. «Қазақстанның болашағы – қазақ тілінде», «Ана тілі – бәріміздің анамыз, өйткені ол – ұлтымыздың айнасы» деген ұлы сөздері келешек ұрпақ пен өскелең жастар үшін көкейінде рухы, діні, мәдениеті, мемлекеттік тілі тоғысқан әрбір азаматтың санасын оятары сөзсіз.
«Қазақстан Республикасындағы тіл туралы» Қазақстан Республикасының Заңнамасында көрсетілген 2001 жылғы 7 ақпандағы № 550 қаулысымен бекітілген Тілдерді қолдану мен дамытудың 2001-2010 жылдарға арналған мемлекеттік бағдарламасы әр мекемеде қазіргі таңда алға қойылған шартты талаптардың бірі болып отыр. Мемлекеттік тілді дамыту жолында «Тілдердің үштұғырлығы» мәдени жобасын кезеңдеп іске асыруды қолға алуды ұсынамын. Қазақстан халқы бүкіл әлемде үш тілді пайдаланатын жоғары білімді ел ретінде танылуға тиіс. Бұлар: қазақ тілі – мемлекеттік тіл, орыс тілі – ұлтаралық қатынас тілі және ағылшын тілі – жаһандық экономикаға ойдағыдай кірігу тілі.» (Жолдау 2007) деген ел басымыздың халыққа жолдауына ден қояр болсақ, болашағымыздың ошағы болар азаматтарды өз ана тілін құрметтеу, қадірлеу, басқа тілдермен қоса үйренуге бейімделуін қалыптастыруда маңызды ұстаным болары анық.
Мемлекеттік тілдің барлық жерде қолданылуы кез – келген маман үшін бірінші орында тұратын саналы еңбек айнасына айналуы керек. Осы негізде ғұламаларымыздың үлкен еңбегінен алынған мана жолдарға үңілер болсақ; "Барлығы да балалық шақтан басталады, жас өспірімдердің моральдық бет-бейнесі адамның балалық шақта қалай тәрбиеленуіне байланысты" –деп айтқандай келешек ұрпақтың дұрыс тәрбиеленуі үшін оның тәрбиесіне үлкен үлес қосушы педагог екені белгілі. Ал қазіргі заман талабына сай білім ордаларында педагогикалық талаптар әсіресе мамандандырылған салаларда кәсіби бағыттаудың дағдылы құзіреттіліктерінің шарттарына сай болуы керектігінестен шығармауымыз керек.
Қоғамның қай саласы болмасын өз мемлекетінің болашағын дамытуға, мәртебесін көтеруге даяр мамандардың қатарын көбейтудің ең басты міндеті ретінде мемлекеттік тілдің маңыздылығы зор екені белгілі. Кәсіби мамандандырылған салаларда болашақ кәсіп иелеріне арнайы үғымдар мен терминдерді пайдаланып сөйлеуге үйрету олардың алған білімдерін тұрақтандырады. Жас мамандардың өз кәсібіне деген жауапкершілігі мен патриоттық сезім ұстанымдарын нығайтатын да осы мемлекеттік тілдің жетік меңгерілуі мен сабақтас болады. Ана тілге деген құрмет – ол өз елін мақтан тұтатын, өз жерін қадірлейтін, өз халқын сүйетін әр тұлғаның бойынан табылатын қасиет. Бұл әр адам үшін ана сүтімен даритын табиғи қасиет. Бала туылғаннан бастап қалай тәрбиеленсе, келешек өміріне алар сабағы да осы тәрбиенің жолы болмақ. Сондықтан әрбір өскелең жасұрпақ үшін тәрбиенің сатылық сипаты маңызды болары сөзсіз. Себебі мектеп жасына келген бала үшін білім алудың қаншалықты маңызды екендігін ұғындыру, оның ойлау санасын жаңаша қалыптастыру тәрбиеден бөлек жүргізілетін салалы істің арқасында болады. Бұдан әрі бала бойында білімге деген құштарлығын арттыру табиғи тіл ана тілінде берілуі өз тілімен өз еліне деген сүйіспеншілігін қалыптастырады.
Оқу үрдісіндегі тәрбиенің алатын орны зор екені белгілі. Бұдан біздің түйе айтарымыз кез келген білім ордасы үшін болашақ ұрпақты патриотты, моральді мәдениетті, парасаттылыққа тәрбиелеудің кілті осы мемлекеттік тілді жетік меңгерту. Ал бұл істің негізгі құралы мемлекеттік тілде жазылған оқу құралдары екенін біз білеміз. Сондықтан келешек үшін үйренері де, білері де, сабақ етіп алары да көп мемлекеттік тілдегі құралдардың сапалы түрлері ауадай қажет дей аламыз. Әр сала үшін арнайы терминологиялық орталықтардың ұйымдастырылуы ол кез келген сөз тіркестері мен аудармалы сөздердің мағынасына қарай берілуін қамтамасыз етеді. Бұл мақалада қарастырылған негізгі ой мемлекеттік тілдегі медициналық терминдердің жай күйі десек, ол қазіргі таңда медицина саласы бойынша 25 мыңға жуық терминдердің мемлекеттік тілде тіркелуі үлкен жетістік.
Оқу орынымызда болашақ мамандар үшін даярланған оқу әдістемелік құралдары, оқулықтардың түрлері көптеп шығарылуда. Бірақ әліде болса кәсіби мамандықтарға қатысты телемедициналық, виртуалды, электронды білім көздерін мемлекеттік тілде дайындауды одар әрі дамыту керек. Қазіргі таңда Медицина саласындағы жетістіктер болашақ мамандардың тәжірибелік дағдылану шыңында мемлекеттік дәрежеде, өз елін басқа мемлекетте таныта алатын, мақтан тұтатын деңгейде екенін айта аламыз.
Қолданылған әдебиеттер тізімі:
- «Тілдерді қолдану мен дамытудың 2001-2010 жылдарға арналған мемлекеттік бағдарламасын іске асыру жөніндегі 2009-2010 жылдарға арналған іс-шаралар жоспары туралы» Қазақстан Республикасы Үкіметінің 2008 жылғы 24 желтоқсандағы № 1246 қаулысы
- Қазақстан Республикасының «Білім туралы» Заңы
- Қазақстан Республикасының бiлiм беру ұйымдарында 2006-2011 жылдарға арналған кешендi тәрбие бағдарламасы
- Қазақстан Республикасының азаматтарына патриоттық тәрбие берудің 2006-2008 жылдарға арналған мемлекеттік бағдарламасы
- «Тәрбие құралы» журналы. №5, 2010 ж.