Ревматикалық жүрек ақауларының патогенезінің қалыптасуында және жүрек жетіспеушілігінің өршуінде маңызды орын иммунологиялық бұзылыстарға берілген *3+. Иммундық өзгерістердің сипаты көпшілігінде ревматикалық жүрек ауруы бар науқастардың болжамына және емінің нәтижелілігіне әсер ететін аурудың ағымын, созылмалыға ауысуын, рецидивтік түрін анықтайды *4, 5+. Кәзіргі кезеңде ревматикалық жүрек ақаулары бар науқастарда иммундық жүйе бұзылыстарының бірқатар заңдылықтары анықталды, бірақ созылмалы жүрек жетіспеушілігінің өршу және қалыптасу механизмдерін ескерумен жүргізіл ген зерттеулер аз.
Зерттеу мақсаты созылмалы жүрек жетіспеушілігімен асқынған ревматикалық жүрек ақауларына шалдыққан науқастардың иммунитетінің гуморальдық тізбектерін зерттеу.
Материалдары және әдістері. Созылмалы жүрек жетіспеушілігінің II III функционалды (NYHA) класымен асқынған, ревматикалық жүрек ақауы бар ер және әйел жынысты 30 науқас зертелді. Орта жасы 48,4 +-2,3 жасты құрады. Диагнозды нақтылауға клиникалабораторлық және аспаптық зерттеу әдістері қолданылды.
Қанның сарысуындағы иммуноглобулиндері (A, M, G) ЖАҚ «Вектор Бест» (Россия) иммуноферменттік тест жүйелерін қолданумен анықталды. Қанның сарысуында айналымдағы иммундық комплекстердің санын анықтауды С.Г. Осипова (1981) соавторлығымен модификациялаған Digeon (1967) әдісімен жүргізілді.
Бақылау тобының жасы және жынысы сай салыстырмалы, дені сау 20 адам құрады .
Зерттеу мерзімі: баста, 1,5 ай.
Зерттеу нәтижесін статистикалық өңдеуден Microsoft Excel 2007 қолданбалы бағдарлама пакетін қолдану арқылы жүргізілді.
Зерттеу нәтижесі. Иммунитеттің гуморальдық тізбек көрсеткішін зерттеу сау адамдардың деңгейімен салыстырғанда М иммуноглобулинінің орташа бастапқы деңгейі 36% жоғарылағанын көрсетті. G иммуноглобулин деңгейін зерттегенде науқастардың қан сарысуында 18,1 ± 2,1 мг/мл дейін жоғарылағаны анықталды, қалыпты көрсеткіші 12,1 ±2,2 мг/мл (p<0,05). Сарысулық иммуноглобулин А көрсеткішіндеде орташа 8% жоғарылау тенденциясы болды, сау адамдар көрсеткішінен нақты ажырамай. Айналымдағы иммундық комплекстердің орта деңгейі жүрек жеткіліксіздігінің ұлғайу өлшемімен бірге (2,6 ±0,4 г/л, қалыптысы-1,5±0,4 г/л) бақылау тобының
көрсеткіштерінен (p<0,05) нақты асқан. 1,5 айдан соң қайталап зерттеу өткізгенде, бастапқы көрсеткіштермен салыстырғанда, айналымдағы иммундық комплекстердің және М, G иммуноглобулиндер деңгейінің (p<0,05) төмендегені анықталды. Бастапқы көрсеткіштермен салыстырғанда иммуноглобулин А көрсеткіші нақты өзгермеді (сурет. 1).
- Бастапқы
- 1,5 ай
- Бақылау
*р<0,05 дені сау адамдардың көрсеткіштерімен салыстырғанда; ** р<0,05-бастапқы көрсеткіштермен салыстырғанда.
Сурет 1 Созылмалы жүрек жетіспеушілігіне асқынған ревматикалық жүрек ақауы бар науқастардың гуморальдық иммунитет көрсеткіштерінің динамикасы
Осыменен, имунитеттің гуморальдық тізбегіндегі анықталған өзгерістер ревматикалық жүрек ақауы бар науқастардың иммундық жүйесінде дисбаланс барлығын көрсетеді, ол жүрек жетіспеушілігінің үдеуін туындататын қабыну үрдісінің белсенділігінің сақталғандығын куәләндірәді.
ӘДЕБИЕТ ТІЗІМІ
- Б.С Белов. Острая ревматическая лихорадка: современное состояние проблемы // Росс. мед. журнал. 2004. Т. 12. № 6. С. 38 44.
- М.Г Ильяш., Е.Н Сергиенко. Ревматизм: актуальные проблемы диагностики и лечения // Укр. ревматолог. журнал. 2001. №3. С. 39 41.
- О.Ю Обухова. Ревматическая болезнь сердца и ревматическая лихорадка у больных старших возрастных групп// Врач. 2005. №1. С. 27 30.
- В.Н Анохин. Современные взгляды на этиологию и патогенез ревматической лихорадки //Росс. мед. журнал. 1997. №4. С. 4 11.
- В.А Визир., А.Е Березин. Роль иммунной воспалительной реакции в формировании и прогрессировании сердечной недостаточности // Укр. мед. журнал. 1999. №6. С. 13 17.