Түйін
Дәрігер-интерндердің ғылыми қоғамы дәрігер-интерндердің теориялық білім деңгейін жоғарылатады, белгілі медицина саласындағы соңғы ғылыми жетістіктерімен танысуға септігін тигізеді. Сонымен қатар ол интерндердің практикалық дағдыларын арттырады, өз жұмысына творчестволық тұрғыдан қарауға, жаңа ғылыми жетістіктерге жақындауға, өзіндік ғылыми көзқарасының қалыптасуына, нағыз заманауй талаптарға сай жоғары білікті мамандардың қалыптасуына көмектеседі. Сол себепті мақаланың негізгі желісі жоғарғы медициналық оқу ордаларында дәрігер интерндердің ғылыми қоғамын ашу, дамыту мәселесіне бағытталған.
Кілт сөздер: білім беру жүйесі, заманауи талаптар, тәжірибелік дағдылар, интерндер, ғылыми қоғам.
Өзектілігі. Жоғары оқу орнында дәрігер-интерндер білімін жоғарылата отырып, өздерінің болашақ мамандығының негізін терең зерттейді. Дәрігер мамандығы бұл жауапкершілігі мол және қиын мамандықтардың қатарына жатады. Еске сала кететіні, жоғары білікті мамандардың кәсіптік деңгейі жоғары теориялық біліммен, тәжірибелік дағдылармен және ғылыми зерттеу жұмыстарынан құралады.
Жоғары білікті медицина мамандарын дайындау ғылым мен тәжірибеге тығыз байланысты. Жаңа ғылыми жетістіктер дәрігердің тәжірибелік мүмкіндіктерін кеңейтеді, медициналық көмек көрсетудің эффективтілігін жоғарылатады. Сондықтан да, медициналық жоғары оқу орындарындағы дәрігер-интерндердің сапалы мамандандырылған дайындығы ғылыми-зерттеулік жұмысқа баулумен тығыз байланыста болады. Ғылыми ізденістің алғашқы қадамы болып, дәрігер-интерндердің ғылыми қоғамы (ДИҒҚ) жұмысына қатысу болып табылады [1].
1991 жылы кафедра негізі қаланғаннан бастап біздің ішкі аурулар кафедрасында ИҒҚ жұмыс істеп келеді. Кафедра іргесі қаланған бері 26 жыл аралығында оны профессор Калимурзина Б.С., профессор Түзельбаев Н.К., профессор Абдухалыков А.М., доцент Садырханова Г.Ж. басқарды.
ДИҒҚ кафедрасының әр басқарушысы кезінде жаңа бағыттар пайда болды. Бастапқы кезде негізгі бағыт ішкі бездер сексециясының патологиялары, оның ішінде қалқанша безінің бұзылыстанынан туындайтын ауорулар былды. Бұл мәселе негізінен шешілген соң, кафедрадағы ДИҒҚ жаңа тақырыпта бағыт алды
Соңғы 10 жыл ішінде терапия кафедрасының қызметкерлерінің негізгі зерттеу обьектісі болып келеді “Экологиясы қолайсыз өндірісі дамыған региондағы ішкі аурулардың дамуының клиникалық ерекшеліктері” [1].
Дәрігер-интерндердің ғылыми зерттеу жұмыстары ұйымында кафедраның бүкіл профессор- оқытушылық құрамы белсенді қатысады. Соңғы 5 жылда біздің кафедрада 100 аса дәрігер-интерндер ИҒҚ мүшесіне айналды. Кафедра қызметшілерінің басқаруымен ИҒҚ жұмысына қатысатын студенттер жыл сайын университеттік және республикалық дәрігер- интерндердің ғылыми тәжірибелік
конференцияларға баяндамамен шығады, оның ішінде жүлделі орындарға ие болғандар да бар.
Кафедра қызметкерлерінің бекітілген жоспары бойынша ДИҒҚ-да жұмыс атқаратын дәрігер- интерндер ішкі аурулардың диагностикасының теориялық және практикалық жаңа тәсілдерін негізін үйренеді және оларды жүргізуге қатысады, алынған қорытындыға интерпретация жасауды үйренеді. Ішкі аурулардың жедел және созылмалы түрлерін зерттеу арқылы дәрігер-интерндер өзідерінің теориялық білімі мен бірге тәжірибелік дағдыларды жоғары дәрежеге жеткізуге мүмкіндік алады.
2012-2017 жылдар аралығында терапия кафедрасының ДИҒҚ жұмысының нәтижесі ойдағыдай болды, айтылып отырған кезең аралығында ДИҒҚ кафедрада 25 жиналыс өткізді, оған 149 дәрігер- интерн қатысты, әртүрлі дәрежелі конференцияларда 22 баяндама жасалды, 5 конференцияда ИҒҚ мүшелері жүлделі орындар алды, 12 жазба жұмыстары жарияланған. ДИҒК жұмысын талдау барысында терапия пәнінің теориялық негіздерін зерттеумен қатар, практикалық дағдылар шыңдалды, жаңа емдеу және зерттеу әдістері игерілді, жаңа дәрілік заттарды пайдаланудың нәтижилерімен танысты, болашақта қажетті дағдыларға ие болды [2].
Конференциядағы баяндама негізінде баспа бетінде ғылыми жұмыстың нәтижелерінің жариялануы жас зерттеушілердің ғылымға деген қызығушылығын арттырады, ғылымның жаңа жетістіктерімен танысып, сол бағытта білімдерін жетілдіруге көмектеседі. Баяндама арқылы өз ғылыми ізденіст тәжірибе жинауға және бейтаныс аудитория алдында шығып сөйлеуге, әріптестерінің сұрақтарына жауап беруге және дискуссия жүргізуге үйретеді. Ғылыми еңбектердің, баяндамаларның, презентациялардың сапалық деңгейін конференцияға қатысушылар өзара салыстыру арқылы келешек зерттеу жұмыстарының сапасын арттыруға септігін тигізеді.Олар өздерімен жасты және үлкен әріптестерімен мәжбүрсіз сұхбаттасуына, ғылыми зерттеу мәселелерінің шешілуіне әсерін тигізеді. Конференция барысында басқа қатысушылардың баяндалары мен презентацияларымен танысу дәріген-интерндердің теоретикалық деңгейлерін жоқғарылатады және ой-өрісін кеңейтеді.Конференция жеңімпаздарын таңдау және марапаттау бәсеке рухын тудырады және жақсы нәтижелерге жетудің жақсы стимулы болып табылады [2].
Осылайша, ДИҒҚ дәрігер-интерндердің теориялық білім деңгейін жоғарылатып қана қоймай, белгілі медицина облысының соңғы ғылыми жетістіктерімен танысуға септігін тигізеді, практикалық дағдыларын арттырады және де өз жұмысына творчестволық тұрғыдан қарауға, жаңа ғылыми жетістіктерге жақындауға, өзіндік ғылыми көзқарасының қалыртасуына, нағыз заманауй талаптарға сай жоғары білікті мамандардың қалыптасуына көмектеседі.
Әдебиеттер
- 1. А.М.Абдухалыков, Г.А.Шагиева, Э.Д. Искандирова, К.А.Сартаева, Б.О.Сахова. //Инновационные направления в медицинском образовании. - В сб. материалов международного семинара «Болонский процесс в и реформы в системе высшего образования Казахстана».- Туркестан, 2011 стр.103-106.
- 2. Е.В. Симонян, В.А. Ушакова. Научно-исследовательская работа студентов как средство повышения качества обучения. Материалы II научно-практической конференции «Оптимизация высшего медицинского и фармацевтического образования: менеджмент качества и инновации».- Екатеринбург, 2010, с108-109